Baked Ziti ng Sbarro :)

Baked Ziti with white sauce and Garlic Bread

"Life is a combination of magic and pasta." - Federico Fellini

Para sa akin ay totoo nga naman na ang buhay ay kumbinasyon ng pantasya at pasta.  Lubos akong nasisiyahan tuwing malalaman ko na may pasalubong na pasta ang aking magulang o mga tiyahin o kaya naman kung kakain kami sa labas, ang pasta ang unang una sa listahan. Nakakaramdam ako ng pagkakilig o pagkaexcite sa tuwing malalaman ko na pasta ang pagkain.

Kung tatanungin ako ng isa sa pinakapaborito kong pasta, ito ay ang Baked Ziti with white sauce and garlic bread.  Sa totoo lang, mahilig talaga ako sa mga pasta, mapa fettucine o plain spaghetti pasta pa yan, siguradong kakainin ko yan. Noong pumunta kami sa Market Market ng Christmas vacation noong 2007, naisipan muna naming kumain ng aking tiya at tiyo bago kami mamili. Dinala nila ko sa Sbarro. Dito una kong natikman ang baked ziti. Lubhang malalasap mo talaga ang sarap at linamnam ng white sauce at ng malambot na texture ng pasta. Samahan mo pa ng garlic bread na sa amoy pa lang ay mabubusog ka na.

Tuwing aalis kami ay tinatanong nila kung saan o kung ano ang gusto naming kainin, at ako nama’y sumisigaw ng carbonaraaaa!:)) Basta pasta talaga ay hindi ko papalampasin. Tuwing kumakain kasi ako nito ay mararamdaman mong nakakabusog talaga at marami pang mga sustansyang makukuha rito tulad ng protein mula sa white sauce at carbohydrates mula sa pasta. Marami ring mga gulay na kasama rito sa pagkaing ito tulad ng celery at spinach at ang gatas na rich in calcium, isama mo na rin ang mushroom na rich in B vitamins. Kasama rin ang cheese na ubod ng sarap at gusto ng lahat. Mas nageenjoy ako sa pagkain nito kapag kasama ko ang mga mahahalagang tao sa buhay ko at samahan pa ng masarap na kwentuhan. :>

Salamat sa pagbasa ng aking munting pagbabahagi. Magandang Araw! :) - Jelissa Cadiogan, 1T3