Hawaiian Pizza :)

HAWAIIAN PIZZA,pagpigil sa iyong takam ay di uubra!

                    

             Ayon nga kay Bob Ong “ Huwag mong bitawan ang bagay na hindi mo kayang makitang hawak ng iba" .Ganitong ganito ang pakiramdam ko tuwing kumakain ako ng pizza,lalo na ang paborito kong “Hawaiian Pizza”. Talaga namang malalasap mo ang natutunaw na keso, ang makatas na pinya, maanghang na sauce, masarap na bacon,at ang pinakahuli kong kinakain sa lahat …ang mainit-init na crust.

             Hindi mawawala ang pizza sa maraming okasyon  sa aking buhay. Ito ay tila naging parte na talaga ng eating habits ko. Kaya ko nga siya favorite. Minsan naman sinasadya ko pa itong bilhin kapag talagang gusto ko. Naaalala ko,tuwing Pasko,New Year ,Birthday o blowout ay hindi mawawala ang pizza. Kasabay ko pa nga ito lagi maging sa tawanan, sayawan o sa kantahan. Tuwing tinatanong ako ng mama ko kung ano ang gusto kong ipabili, ito agad ang sinasabi ko. Masarap kumain lalo na pag may kasama, at nakikipagkwentuhan.

           Nagustuhan ko din ito dahil sa masarap na lasa at sa magandang dulot  ng mga sangkap nito. Una ang tomato paste, malakas ito na panlaban sa cancer. Kasama din ang pinya at bell pepper na pinagmumulan ng vitamins. Ang paborito kong cheese na isang carbohydrate, para naman sa enerhiya. Huli sa lahat ang ham o bacon na mayaman sa protein at sodium. Di ba madaming sustansya ang pizza. Madalas kaming bumibili nito sa Pizza Hut o Shakey’s. Marami silang branches, sigurado akong natikman nyo na rin ito, pero kung hindi pa, dapat lang na tikman  niyo na ang katakam takam na Hawaiian Pizza.:))

Ibang-iba ang feeling  tuwing kumakain ako nito,nagpa-paganda ito ng mood ko ,para bang di ko napapansin ang oras at ang mga kasama ko. Masarap itong sabayan ng napakalamig na soda o pineapple juice. Talagang nakakabusog at nakakaenjoy pa.

-Sandra Tabilisima-