Pag-ibig sa unang tikim ♥

                                                       Red Mango

                           -Janyn Erika Uy, CTHM-1T3

              Noong agosto,ang isa sa aking mga kaibigan ay tutungong bansang tsina upang doon na mag-aral. Ang aking mga kaibigan noong  hayskul pati rin ako ay nagplano ng isang get-together upang magpa-despedida sakanya upang kahit sa kanyang pag-alis ay kami’y kanyang maaalala. Noong una, hindi naming alam kung saan nga ba ito magaganap o ano ang maaaring gawin, hanggang sa Mall of Asia o MOA na lamang ang napagpasyahan.  Ngunit, bukod sa despedida niya, kami ang klase na magakakaibigang walang hinto sa pagkwento. Wala pa kami roon ay binging bingi na ako sa dami ng kwento, nag-uunahan at nagsasapawan pa para maibahagi ang sari-sariling karanasan sa kolehiyo. Mayroong mga kwentong masaya, pagkasabik, pagka-tense, pagkatakot sa mga terror na prof hanggang sa mga kalokohan na gingawa sa kapwa nilang blockmates. Oo, kami ay nagkwentuhan ng want-to-sawa, pero hindi lang naman iyon ang aming ginawa, dapat kami ay mag-iice skating ngunit karamihan ang tumanggi dahil sa ilang beses na rin naming ito nagawa at hanggang ngayon wala pa rin itong progreso at palagi pa ring nakakapit sa katabi o na sa gilid lamang. Kaya nagpasya na lamang kaming kumain na ng tanghalian bago mag-isip ano ang pwedeng gawin. Pagkatapos kumain, kami ay nag-window shopping/shopping, nagpaka-vain at kuha ng kuha ng mga letrato at kumain ulit dulot ng pagod kakaikot. Kami ay nag-merienda sa Red Mango. Bagamat nakikita ko na ito dati, iyon palang ang unang beses na natikman ko iyon.

Ang pananaw ko kasi dati sa yogurt ay maasim at mahal para pa ito pa ay pagkagastusan. Ngunit ang pananaw kong iyon ay nagbago sa sandaling pagkadikit na pagkadikit pa lamang ng Red Mango yogurt na may blueberry at cheesecake na toppings sa aking dila (taste buds). Sabi nga nila ang yogurt ay matuturing na isang healthy food. Wala itong kahit anong unhealthy additives gaya ng mga artificial ingredients. Ito’y mayroong Calcium, Protein, at bukod pa doon, ito’y 100% non-fat. Ang yogurt nila ay gawa sa Pasteurized and Cultured Skim Milk, Natural Sugar, Nonfat Dry Milk, Natural Flavors, Sodium Citrate, Potassium Citrate, Citric Acid, Guar Gum, Food Starch, Carrageenan, at Pectin. Natikman ko rin dito ang sulit na sulit na waffles at smoothies nila.

Bagamat napagod sa kakalakad, at kakadaldal, nadiskubre ko naman ang linamnam ng Red mango yogurt na pwedeng ulit-ulitin ng hindi ako lolobo. At para sa akin, mas masarap ito kung kasama mo ang mga kaibigan mo na may kasamang kwentuhan, asaran at halakhak. At Maraming salamat saaking mga kaibigan at nabura ang maling paghusga ko sa mga yogurt.