Jolly Spaghetti :D

          Malamang ikatataka ninyo kung bakit sa dinami-rami ng pagkain sa mundo --- Italian cuisine, French delicacies, Korean pasta --- ay napili ko ang isang karaniwan at tatak-Pinoy na pagkain. Ano nga ba ang mahikang taglay nito at ito ay aking napusuan?

Naaalala ko nung ako ay maliit at musmos pa lamang ay tagisan kong pinagpupumilit sa aking ina na ako'y ibili ng Jolly Spaghetti. Hinding-hindi pa nga ako magkakamali na ang tawag ko pa nuon sa naturang pagkain ay 'ispategi'. Kaya sa tuwing binabanggit ko iyon, nangingisi ang mga nakadidinig - at wala man lang nagsabi sa akin na mali pala ako. Teka, anu bang meron sa  Jolly Spaghetti na ito? Ang pagkain ay na ito ay binubuo ng pasta na pinakuluan hanggang sa lumambot, sauce -- isang matamis at malinamnam na sauce -- giniling, hotdog at ang paborito ng lahat - keso. Kung isa kang Tomasino, sinasabi ko sa 'yo, nagkalat ang Jollibee sa paligid ng UST. Mayroong Jollibee Dapitan at Jollibee Lacson (hindi ako magugulat kung mayroon na rin itong branch sa Espana at P. Noval). Matatagpuan rin ito sa mga naglalakihang establisyimyento katulad ng SM, Trinoma at marami pang iba. Ang nasabing pagkain ay mayaman sa protina, lactose para sa keso at Vitamin B9 at Vitamin D.

Talaga namang nakakatakam ang pagkain na ito. Labis ang sayang nararamdaman ko sa tuwing pagkain ko nito, kung ako nga lang ay vivideohan, sinisigurado ko sa 'yo, ako na ang papalit na bagong commercial endorser ng Jollibee. Ikaw, anong paborito mo?

-Sebastiana Georgia J. Ignacio