Graham

     Maraming pagkain sa ating paligid, ngunit marami akong gusto makitang katangian sa isang pagkain ang ilan sa mga ito ay masarap, malinamnam at babalik-balikan. Pero sa dinami dami ng paborito kong pagkain ang Graham lang ang nangibabaw sa aking panlasa.

     Makita pa lamang ang prutas sa ibabaw ay tila kaakit-akit nang pagmasdan. Dahil tingin pa lamang ay parang busog ka na. At pag iyong matikman, ay kung anong saya ang nararamdaman. Dagdagan mo pa nang malinamnam na puting cream. At wag kalimutan ang bidang bida sa Graham, ang malutong na crackers na lumalabas ang sarap pag ito ay pinalamig. Ang Graham ay ginagawa nang may pagmamahal na kaakibat. Ito ay may kasamang pagmamahal dahil kadalasan ng gumagawa nito an gating mapagmahal na ina at sa kasalukuyan pati na rin ang mga kalalakihan,base na rin ito sa isang patalastas na aking napanood. Ang homemade na pagkaing ito ay nakapagbibigay ng kakaibang sigla sa mga kumakain nito. Ito ay nakapagbibigay ng kakaibang lasa na nakapagpapatulo ng laway ng taong kumakain nito. Bagamat ito ay matamis ito ay patuloy pa rin na tinatangkilik na marami dahil sa ankin nitong kasarapan at kagandahan. Sa aking karanasan sa unang kagat pa lamang ay nakaramdam ako nang sarap na panigurado ay aking hahanap-hanapin. At tuwing Pasko ay gusting gusto kong makakain ng Graham na gawa ng pagmamahal.

     At kung ako ay tatanungin wala nang mas hihigit pa sa aking pabaritong pagkain. At sa masasayang karansan na aking naramdaman ang masasabi ko lang : Masarap, malinamnam, at babalik-balikan! Yan ang aking graham na tumatak sa aking puso’t isipan.

     -Chelsea An E. Estrada   1T3